CMATI

A Dirección Xeral de Mobilidade da Consellería de Infraestruturas e Vivenda, consonte co establecido no apartado oitavo Transparencia, do Acordo do Consello da Xunta de Galicia do 6 de xullo de 2017 (DOG nº 129, do 7 de xullo), polo que se fixan criterios complementarios en relación co proceso de integración das distintas modalidades de transporte público de competencia da Xunta de Galicia que faciliten a optimización deste servizo público, no marco do procedemento para a implantación da primeira fase da planificación do transporte público de Galicia, logo da súa aprobación, acorda publicar na web da Consellería de Infraestruturas e Vivenda os proxectos de explotación dos servizos de transporte público de viaxeiros por estrada de uso xeral desta primeira fase da planificación.

Por outra banda, a efectos informativos, a Consellería de Infraestruturas e Vivenda dá publicidade aos pregos de contratación que rexerán o procedemento de licitación .

AVISO INFORMATIVO.

A Dirección Xeral de Mobilidade comunica que, atendendo ás solicitudes recibidas, acorda ampliar o prazo para a presentación de ofertas no procedemento de contratación da xestión de servizo público de transporte regular de viaxeiros por estrada de uso xeral , por adxudicación directa, AD 2.2017.

Coa finalidade de facilitar a máxima participación no indicado procedemento, modifícase o dito prazo de xeito que rematará o luns 24 de xullo de 2017 ás 12:00 horas da mañá.

Mantéñense as condicións referentes ao lugar e forma de presentación da/s dita/s ofertas.

RESOLUCIÓN POLA QUE SE SOMETE A INFORMACIÓN PÚBLICA A PROPOSTA DE MODIFICACIÓN DOS PROXECTOS XG501, XG503 Y XG505 DO PROCEDEMENTO DE CONTRATACIÓN "AD 2.2017" DOG 4/08/07

Procede someterse a información pública a proposta de modificación dos proxectos de explotación XG501-Baixa Limia, XG503-Terra de Celanova y XG505-Ourense, e abrir un novo periodo para a presentación de ofertas.