CMATI

Vostede está en:
|
|
|
Compartir

O Diario Oficial de Galicia publica hoxe a relación dos 20 concellos beneficiarios das axudas da Xunta da convocatoria de 2020 para elaborar os plans de emerxencia fronte á seca

A Consellería de Infraestruturas e Mobilidade prevé que neste ano 40 municipios terán os seus documentos preparados para poder anticiparse a situacións de seca

Finánciase ata o 80% da elaboración do plan de emerxencia con ata 15.000 euros por solicitude e cubrindo as actuacións realizadas desde o 1 de xaneiro de 2020

É a segunda convocatoria desta iniciativa de colaboración cos concellos nas súas competencias, para que se doten dunha ferramenta básica de planificación e anticipación para garantir o abastecemento de auga á poboación
 

Santiago de Compostela, 12 de xaneiro de 2021.- A Xunta publica hoxe no Diario Oficial de Galicia a resolución pola que se fai publica a relación dos 20 concellos beneficiarios das axudas da convocatoria de 2020 para elaborar os plans de emerxencia fronte á seca.

Nesta convocatoria de axudas impulsadas pola Consellería de Infraestruturas e Mobilidade, a través de Augas de Galicia, os concellos recibiron axudas entre 7.000 e 15.000 euros. No seguinte enlace ao DOG pode consultarse a información: https://xurl.es/73rip

Trátase da segunda convocatoria de colaboración cos concellos nas súas competencias municipais, publicada en xuño do ano pasado, que se suma a unha primeira realizada no ano 2019, que xa beneficiou a 20 municipios. Así, prevese acadar este ano os 40 concellos cos seus documentos preparados para poder anticiparse a posibles situacións de seca.

Con estes incentivos, a Xunta presta apoio técnico e financeiro en materia de augas aos concellos para que cada sistema de abastecemento dispoña do seu propio plan de emerxencia fronte á seca e teña claro como actuar ante unha situación de alerta.

Estas axudas financian o 80% do custo da redacción do plan, cun importe de ata 15.000 euros por solicitude e subvencionan actuacións realizadas desde o 1 de xaneiro de 2020. Ademais, as axudas son compatibles co cofinanciamento que acheguen outras administracións públicas, como as deputacións provinciais.

Os plans de emerxencia fronte a seca son un instrumento clave para anticiparse e preparar solucións que garantan o abastecemento de auga á poboación.

Cómpre lembrar que a Lei de garantía de abastecemento de auga, aprobada pola Administración autonómica e que entrou en vigor o pasado mes de xaneiro, establece un prazo de 2 anos para que os concellos de menos de 20.000 habitantes elaboren plans de emerxencia fronte á seca.

A seguinte relación mostra os concellos aos que Augas de Galicia concedeulle a citada axuda.

 

CONCELLO SOLICITANTE
IMPORTE DA AXUDA
Concello de Gomesende
9.825,2 €
Concello de Coirós
14.229,6 €
Concello de Piñor
9.825,2 €

Concello de Castrelo de Miño

9.825,2 €
Concello de Toén
9.825,2 €

Concello de Nogueira de Ramuín

8.808,8 €
Concello de Frades
14.229,6 €
Concello de Sober
14.036 €
Concello de Mesía
14.229,6 €
Concello de San Sadurniño
14.510,32 €
Concello de Begonte
14.036 €
Concello de Cartelle
14.000 €
Concello de Ares
14.520 €
Concello de Abegondo
14.360,28 €
Concello de Ribadeo
10.822,42 €
Concello de Larouco
7.260 €
Concello de Pontedeva
7.260 €

Concello de Ribeira de Piquín

14.520 €
Concello de Parada de Sil
9.825,2 €
Concello de Cortegada
9.825,2 €

Departamentos relacionados

  • Gabinete de comunicación

  • Correo-e: civ.prensa@xunta.es