CMATI

Vostede está en:
|
|
|
Compartir

A Xunta executa actuacións de conservación e limpeza nos ríos Umia e Tarrío ao seu paso polo concello de Vilanova de Arousa

Os traballos de mantemento están a levarse a cabo no treito interurbano destes ríos nos seus percorridos polas parroquias de Baión, Godos e Lantaño

As obras consisten na retirada de árbores e madeira morta caída sobre os canles dos ríos, e enmárcanse nos tarefas de mantemento, conservación e mellora do dominio público hidráulico das bacías de Galicia-Costa que desenvolve Augas de Galicia

A Consellería de Infraestruturas e Mobilidade continúa traballando na mellora dos leitos fluviais para acadar condicións naturais do ecosistema que favorezan os aspectos medioambientais e de uso social na contorna dos ríos

Santiago de Compostela, 6 de outubro de 2019.- A Consellería de Infraestruturas e Mobilidade, a través de Augas de Galicia, está a executar actuacións de limpeza e conservación nos ríos Umia e Tarrío ao seu paso polo concello de Vilanova.

Estes traballos de mantemento se están a levar a cabo no treito interurbano destes ríos ao seu paso polas parroquias de Baión (San Xoán), Godos (Sta. María) e Lantaño (San Pedro).

As obras céntranse no desbroce de maleza das marxes, na retirada das árbores e pólas caídas, e da madeira morta existente. Unha vez finalizadas estas actuacións, o río quedará despexado de maleza, posibilitando así a circulación fluída das súas augas.

Augas de Galicia desenvolve estas accións no marco do programa de mantemento, conservación e mellora do dominio público hidráulico das bacías de Galicia- Costa, no ámbito territorial da zona Galicia Sur e as súas zonas de acceso e protección.

A Xunta, mediante este tipo de traballos, continúa traballando na mellora dos leitos fluviais para acadar condicións naturais do ecosistema que favorezan os aspectos medioambientais e de uso social na contorna do río.

Departamentos relacionados

  • Gabinete de comunicación

  • Correo-e: civ.prensa@xunta.es